Իտալական լազանյա

Բաղադրիչները՝  8 անձի համար ∙ լազանյայի շերտեր → 400 գ.  ∙ քերած պարմեզան պանիր → 100 գ.

∙ իտալական ռագու սոուս, որի համար անհրաժեշտ են հետևյալ բաղադրիչները՝ ∙ գլուխ սոխ → 1 հատ ∙ գազար → 1 հատ միջին չափսի ∙ նեխուր → 1 ցողուն ∙ տավարի միս → 500 գ. ∙ իտալական պոմիդորի սոուս (passata di pomodoro) → 250 գ. (կամ 30 գ. տոմատի մածուկ 250 մլ. տաք ջրով բացած) ∙ եռացրած ջուր → 250 մլ. ∙ կարմիր գինի → 1 բաժակ ∙ ձիթապտղի յուղ → 2 ճ. գդալ ∙ աղ և սև պղպեղ → ըստ ճաշակի

∙ Բեշամել, որի համար անհրաժեշտ են հետևյալ բաղադրիչները՝ ∙ կաթ → 400 մլ. ∙ կարագ → 40 գ. ∙ ալյուր → 40 գ. ∙ աղ → մի պտղունց ∙ մշկընկույզ → մի պտղունց

Ինչպես պատրաստել ռագուն

1

2

3

Ռագուն պատրաստելու համար սկզբում մաքրել և լվանալ գազարը, նեխուրը և սոխը (1)։ Գազարն ու նեխուրը լայն քերիչով անցկացնել, սոխը մանր կտրատել (2)։ Խորը կաթսայի մեջ տաքացնել ձիթապտղի յուղը (3)։

4

5

6

Ավելացնել մանր կտրատած սոխը, գազարն ու նեխուրը (4) և թույլ կրակի վրա տապակել մի քանի րոպե՝ ուշադրություն դարձնելով, որ սոխը չայրվի, այլ պարզապես գույնը փոխի և դառնա թափանցիկ։ Այնուհետև ավելացնել տավարի միսը (5) և շարունակել եփել մինչև միսն ամբողջությամբ գույնը կփոխի (6)։

7

8

9

Ստացված զանգվածի վրա լցնել մեկ բաժակ գինին և շարունակել եփել մինչև գինու ամբողջովին գոլորշիանալը (7), որից հետո համեմել աղով և սև պղպեղով, ավելացնել պոմիդորի սոուսը (8), եռացրած ջուրը և թողնել, որ թույլ կրակի վրա եփի մոտ մեկ ժամ։ Եփելու ընթացքում ժամանակ առ ժամանակ խառնել սոուսը, որպեսզի այն չկպչի կաթսայի հատակին (9)։

Ինչպես պատրաստել բեշամելը

10

11

12

Կաթսայի մեջ լցնել կարագը և դնել կրակի վրա (10)։ Հենց սկսի հալվել, ավելացնել նաև նախօրոք ցանցի միջով անցկացրած ալյուրը և անընդհատ խառնելով եփել 2-3 րոպե (11)։ Ավելացնել գոլ կաթը և շարունակել անընդհատ խառնել, որպեսզի գնդիկներ չառաջանան (12)։ 

13

14

15

Այնուհետև ավելացնել աղն (13) ու մշկընկույզը (14) և թույլ կրակի վրա եփել մինչ պնդանալը, մոտ 10-15 րոպե։ Եթե վերջում այնուամենայնիվ գնդիկներ առաջանան, կարող եք անցկացնել մաղի միջով (15)։

Լազանյայի պատրաստման վերջին փուլը

16

17

18

Այժմ երբ ռագուն և բեշամելը պատրաստ են, եռացող ջրի մեջ 2-3 րոպե եփել լազանյայի շերտերը, քամել և շարել մաքուր սրբիչի վրա, որպեսզի չորանան։ Այնուհետև լազանյայի համար նախատեսված թավայի հատակին լցնել մի քիչ ռագու և մի քիչ բեշամել (16) և շարել լազանյայի առաջին շերտը (17)։ Վրան նորից լցնել ռագու, բեշամել և պարմեզան և շարել հաջորդ շերտը (18)։

19

20

Այսպես շարունակել դասավորել նաև մնացած շերտերը։ Այս բաղադրատոմսով ձեզ մոտ 4-5 շերտ կստացվի։ Ամենավերջին շերտի վրա լցնել ռագուն, բեշամելը և պարմեզանով ծածկել ամբողջ մակերեսը (19)։ Տեղադրել թավան նախօրոք մինչև 180 աստիճան տաքացված վառարանի մեջ և եփել 40-45 րոպե։ Հանել վառարանից, թողնել 10 րոպե և ապա կարող եք մատուցել (20)։