Ֆալաֆել

Բաղադրիչները՝ 25-30 ֆալաֆելի համար ∙ սիսեռ → 250 գ.  ∙ ալյուր → 2 ճ. գդալ  ∙ սխտոր → 2 պճեղ  ∙ մաղադանոս → մի բուռ, մանր կտրատած  ∙ համեմ → մի բուռ, մանր կտրատած  ∙ աղ → 1 թ. գդալ ∙ քիմիոն → 1 թ. գդալ ∙ համեմի սերմ → 0,5 թ. գդալ, փշրած   ∙ սոդա → 1/3 թ. գդալ  ∙ ջուր → 0,5 սուրճի բաժակ ∙ բուսական յուղ → մոտ 1 լ., տապակելու համար

Ինչպես պատրաստել

1

2

3

Սիսեռը նախապես թողնել ջրի մեջ 24 ժամ։ Պատրաստելուց առաջ քամել, լցնել բլենդերի մեջ, ավելացնել կես սուրճի բաժակ գոլ ջուր (1) և հարել այնքան, մինչ ստացվի պյուրեատիպ միասեռ զանգված (2)։ Այնուհետև ստացված զանգվածը տեղափոխել խորը ամանի մեջ։ Համեմը, մաղադանոսն ու սխտորի պճեղները մանր կտրատել (3)։

4

5

6

Բլենդերի մեջ լցնել մանր կտրատած համեմը, մաղադանոսը, սխտորը (4), ավելացնել 3-4 ճ. գդալ հարած սիսեռից (5) և հարել մի քանի վայրկյան, որպեսզի ամբողջը լավ խառնվի (6)։

7

8

9

Այնուհետև լցնել սիսեռի վրա (7)։ Ավելացնել նաև աղը, քիմիոնը, համեմի սերմը, սոդան ու ալյուրը, և լավ խառնել (8-10)։

10

11

12

Ապա սկսել պատրաստել փոքր, կլորիկ ֆալաֆելի կոտլետիկները (11)։ Պատրաստելուց հետո թողնել 1 ժամ։ Խորը կաթսայի մեջ լավ տաքացնել բուսական յուղը, ճ. գդալի օգնությամբ ամեն անգամ մի քանի ֆալաֆել դնել յուղի մեջ (12) 

13

14

15

և անընդհատ խառնելով՝ տապակել այնքան, մինչև եփվեն և մի փոքր կարմրեն (մոտ 3-4 րոպե) (13-14): Շարունակել տապակել այսպես նաև մնացած ֆալաֆելները (15)։ Մատուցել կարելի է ինչպես տաք, այնպես էլ սառը վիճակում։

Հետաքրքիր ինֆորմացիա

∙ Ֆալաֆելները սովորաբար մատուցվում են հումուսի հետ։ Քանի որ շատ հագեցնող են, մատուցել կարելի է որևէ բանջարեղենային աղցանի հետ, օրինակ՝ հազարի։