Հավ կարի սոուսով

Բաղադրիչները՝ 4 անձի համար ∙ հավի կրծքամիս → 500 գ.  ∙ գազար → 2 հատ  ∙ պղպեղ → 2 հատ (կանաչ)  ∙ տոմատի մածուկ → 1 ճ. գդալ (1 բաժակ ջրով բացած)  ∙ սոխ → 1 հատ միջին չափսի  ∙ սխտոր → 2 պճեղ  ∙ բուսական յուղ → 3 ճ. գդալ  ∙ կարի (համեմունք) → 2 ճ. գդալ  ∙ աղ → ըստ ճաշակի

Ինչպես պատրաստել

1

2

3

Հավի կրծքամիսը լվանալ և կտրատել քառակուսի կտորներով (մոտ 3 սմ.) (1)։ Սոխն ու սխտորի պճեղները մանր կտրատել (2)։ Խորը թավայի մեջ տաքացնել բուսական յուղը (3),

4

5

6

ավելացնել հավի կտորներն ու մի քանի րոպե եփել, որպեսզի հավն ամբողջությամբ գույնը փոխի (4)։ Այնուհետև համեմել աղով, ավելացնել 1 ճ. գդալ կարի (5), խառնել և տապակել 2-3 րոպե (6)։

7

8

9

Հավի կտորները թավայից հանել, թավային ավելացնել մանր կտրատած սոխն ու սխտորը և մի քանի րոպե տապակել (7)։ Ապա ավելացնել ջրով բացած տոմատի մածուկը (8) և եփել մոտ 10 րոպե, որից հետո ավելացնել նաև հավի կտորները (9), փակել կափարիչը և թողնել, որ ամբողջը միասին եփվի մոտ 25 րոպե միջին բարձրության կրակի վրա։

10

11

12

Այդ ընթացքում մանր քառակուսիներով կտրատել գազարն ու պղպեղը (10)։ 25 րոպեն լրանալուց հետո հավին ավելացնել նաև քառակուսիներով կտրատած գազարն ու պղպեղը (11), ավելացնել մնացած 1 ճ. գդալ կարին, կրկին համեմել աղով և փակել կափարիչը։ Եփել ևս 15-20 րոպե, ապա կարող եք մատուցել (12)։ Մատուցել խաշած բրինձի հետ, ցանկալի է բասմատի տեսակի։

Խորհուրդներ

∙ Կարին հնդկական համեմունքների խառնուրդ է, բավական սուր համով և հոտով։ Եթե երբևէ չեք փորձել, եփելու ընթացքում համտեսեք, ցանկության դեպքում երկրորդ ճ. գդալը կարող եք նաև չավելացնել։