Ռիզոտտո ալլա միլանեզե (ռիզոտտո միլանական ձևով)

Բանջարեղենի արգանակի պատրաստման բաղադրիչներն են՝ ∙ գազար → 1 հատ  ∙ կարտոֆիլ → 1 հատ  ∙ նեխուր → 1 ցողուն  ∙ գլուխ սոխ → 1 հատ  ∙ սխտոր → 1 պճեղ  ∙ մաղադանոս   ∙ աղ → մոտ 1 ճ. գդալ  ∙ ջուր → 2 լ.

Բաղադրիչները՝ 4 անձի համար ∙ բրինձ → 300 գ.  ∙ սպիտակ գինի → 1 բաժակ  ∙ կարագ → 100 գ.  ∙ գլուխ սոխ → 1 հատ փոքր ∙ շաֆրան → 1 թ. գդալ  ∙ քերած պարմեզան → ըստ ցանկության  ∙ բանջարեղենի արգանակ → 1,5-2 լ.

Ինչպես պատրաստել բանջարեղենի արգանակ

1

2

3

Բոլոր բանջարեղենները մաքրել և լվանալ (1)։ Կտրել խոշոր կտորներով՝ 3 – 4 մասի և լցնել խորը կաթսայի մեջ (2)։ Ավելացնել աղը, ջուրը և դնել կրակին (3)։ Եփել 10 րոպե ուժեղ կրակի վրա, այնուհետև թույլ կրակի վրա առնվազն 1 ժամ։ Պատրաստ լինելուց հետո հանել բանջարեղենները արգանակից կամ անցկացնել մաղի միջով։Համտեսել, անհրաժեշտության դեպքում կրկին աղ ավելացնել։

Ինչպես պատրաստել ռիզոտտոն

4

5

6

Սոխը մանր կտրատել (4)։ Թավայի մեջ դնել կարագի կեսը (50 գ.) և դնել կրակին (5)։ Երբ կարագն ամբողջովին հալվի, ավելացնել մանր կտրատած սոխն ու տապակել 3-4 րոպե (6)։ Սոխը չպետք է կարմրի, այն պետք է դառնա թափանցիկ։

7

8

9

Այնուհետև ավելացնել նախօրոք լվացած բրինձն ու մի քանի րոպե տապակել (7)։ Ավելացնել գինին և շարունակել եփել մինչև գինու ամբողջովին գոլորշիանալը (8)։ Ավելացնել մի քանի շերեփ արգանակ և եփել մինչ բրինձի պատրաստ լինելը՝ ժամանակ առ ժամանակ ավելացնելով մի շերեփ արգանակ, եթե դրա կարիքը լինի (9)։ 

10

11

12

Պատրաստ լինելուց 2-3 րոպե առաջ 1/3 բաժակ արգանակի մեջ լուծել շաֆրանը (10), ավելացնել բրինձին և խառնել (11)։ Պատրաստ լինելուց հետո ավելացնել նաև կարագի մյուս կեսը (50 գ.) և թողնել, որ ամբողջությամբ հալվի (12)։ Ցանկության դեպքում ռիզոտտոյի վրա շաղ տալ նաև պարմեզանը։ Մատուցել անմիջապես՝ տաք վիճակում։