Պաստայով աղցան

Բաղադրիչները՝ 6/8 անձի համար ∙ պաստա → 500 գ.  ∙ լոլիկ → 300 գ.  ∙ մոցառելլա պանիր → 300 գ.  ∙ թունաձուկ → 150 գ.  ∙ ձիթապտուղ → 100 գ.  ∙ եգիպտացորեն → 100 գ.  ∙ բազիլիկ (կանաչ ռեհան) → մի քանի տերև  ∙ ձիթապտղի յուղ → 5 ճ. գդալ  ∙ աղ → պաստան խաշելու համար

Ինչպես պատրաստել

1

2

3

Խորը կաթսայի մեջ մեծ քանակությամբ ջուր եռացնել, աղ ավելացնել և պաստան խաշել (1)։ Պատրաստ լինելուց հետո պաստան քամել (2), լցնել մեկ այլ խորը ամանի մեջ, ավելացնել 2 ճ. գդալ ձիթապտղի յուղից (3), խառնել և թողնել առնվազն 1 ժամ, որ լավ սառչի:

4

5

6

Այնուհետև մանր քառակուսիներով կտրատել լոլիկն ու մոցառելլան (4-5) և լցնել պաստայի վրա։ Ապա ավելացնել թունաձուկը (6),

7

8

9

ձիթապտուղը, եգիպտացորենը (7), բազիլիկի տերևները և մնացած ձիթապտղի յուղն (8) ու լավ խառնել (9)։ Ցանկության դեպքում համեմել նաև սև պղպեղով։ Պահել սառնարանում առնվազն 2 ժամ, որից հետո կարող եք մատուցել։ Մատուցել սառը վիճակում։

Հետաքրքիր ինֆորմացիա

∙ Պաստայով աղցանը ամռան ամիսներին Իտալիայում ամենաշատ պատրաստվող կերակրատեսակներից մեկն է։ Քանի որ մատուցվում է սառը վիճակում, այս աղցանը հիմնականում պատրաստում են մեկ օր առաջ, ինչպես նաև այն պատճառով, որ մեկ օր սառնարանում պահելուց հետո այն շատ ավելի համեղ է։