Բլիթ ֆրանսիական ձևով (Crêpes)

Բաղադրիչները՝ 15 բլիթի համար ∙ կաթ → 0,5 լ.  ∙ ալյուր → 250 գ.  ∙ ձու → 2 հատ  ∙ կարագ → 40 գ. ∙ աղ → 0,5 թ. գդալ

Ինչպես պատրաստել

1

2

3

Պատրաստելու համար սկզբում կաթը մի թեթև տաքացնել, որ գոլ լինի և կարագը հալեցնել։ Խորը ամանի մեջ մաղով անցկացնել ալյուրը, մեջտեղում փոս բացել և անընդհատ խառնելով՝ ավելացնել գոլ կաթը (1)։ Ապա ավելացնել կոտրած ձուն (2) և հալած կարագը (3)՝ շարունակելով խառնել, որպեսզի գդնիկներ չառաջանան։ Եթե գնդիկներ առաջանան, անցկացնել մաղի միջով կամ մի քանի վայրկյան հարել միքսեռով։

4

5

6

Վերջում ավելացնել աղը (4), լավ խառնել և թողնել, որ խառնուրդը հանգստանա առնվազն 1 ժամ (5)։ Վերցնել բլիթների համար նախատեսված թավան, հատակին շատ չնչին քանակությամբ կարագ քսել և տաքացնել։ Թավան պետք է լինի միջին տաքության։ Ապա վերցնել մոտ կես շերեփ կաթնային խառնուրդից, լցնել թավայի մեջտեղում և թավան արագ պտտացնել, որպեսզի խառնուրդը տարածվի թավայի ամբողջ մակերևույթի վրա (6)։

7

8

9

Եփել մոտ 1 րոպե մի կողմը (7), ապա շուռ տալ և եփել այդքան նաև մյուս կողմը (8)։ Շարունակել նույն ձևով մինչև խառնուրդը վերջանա (9)։

10

11

12

Մատուցելուց առաջ ափսեի մեջ մեկ բլիթ դնել, կեսի վրա լցնել կաթնաշոռի, թթվասերի և շաքարավազի խառնուրդ և ելակի կտորներ ու ծալել (10-12)։ Մատուցել կարելի է հենց այսպես։ Բայց ավելի նախընտրելի է մատուցելուց առաջ 20-30 վայրկյան դնել միկրոալիքային վառարանում, որպեսզի մի փոքր տաքանա։

13

14

15

Նման բլիթների մեկ այլ շատ տարածված լցոնում է հանդիսանում նուտելլայով և բանանով միջուկը (13-17)։

16

17

Հետաքրքիր ինֆորմացիա

∙ Ֆրանսիական բլիթները, ի տարբերություն հայկականի և ռուսականի, մի քիչ ավելի հաստ են, և հիմանականում 3 մասի են ծալվում, բացիկանման (ինչպես 16-17 նկարներում)։

∙ Այս բլիթները լցոնել կարելի է ինչպես քաղցր, այնպես էլ աղի միջուկով։