Սպագետտի ալլ'Ամատրիչանա (Spaghetti all'amatriciana)

Բաղադրիչները՝ 4 անձի համար ∙ սպագետտի → 350 գ.  ∙ բեկոն → 100 գ.  ∙ լոլիկ → 250 գ. (պահածոյացված)  ∙ պղպեղ → 1 հատ փոքր, կծու  ∙ սպիտակ գինի → ¼ բաժակ  ∙ ձիթապտղի յուղ → 1 ճ. գդալ  ∙ սև պղպեղ → ըստ ճաշակի

Ինչպես պատրաստել

1

2

3

Բեկոնը կտրատել երկար բարակ շերտերով (1)։ Թավայի մեջ տաքացնել ձիթապտղի յուղը (2), ավելացնել բեկոնը և տապակել այնքան ժամանակ, մինչև բեկոնը գույնը փոխի (3)։

4

5

6

Այդ ընթացքում մանրացնել նաև կծու պղպղեղը (4) և ավելացնել թավայի պարունակությանը (5)։ Այնուհետև ավելացնել գինին (6), և շարունակել եփել մինչև գինու ամբողջովին գոլորշիանալը։

7

8

9

Գինու գոլորշիանալուց հետո համեմել սև պղպեղով, ավելացնել լոլիկը (7) և եփել ևս 10 րոպե (8)։ Մեկ այլ խորը կաթսայի մեջ մեծ քանակությամբ ջուր եռացնել, աղ ավեացնել և եփել սպագետտին (9)։

10

11

Սպագետտին եփելուց հետո այն քամել  և խառնել պատրաստած սոուսին (10)։ Մատուցել անմիջապես, տաք վիճակում (11)։

Խորհուրդներ

∙ Սպագետտին, և ընդհանրապես ցանկացած այլ տեսակի պաստա եփելիս, միշտ ավելացրեք պաստան լավ եռացող ջրին։ Դա կօգնի, որպեսզի պաստան չկոտրտվի և պահպանի իր տեսքը։

∙ Բեկոնով սոուսը եփելիս սովորաբար հարկ չի լինում աղ ավելացնել, քանի որ բեկոնն արդեն իսկ շատ աղի է։ Համենայն դեպս, պատրաստ լինելուց հետո կարող եք համտեսել և անհրաժեշտության դեպքում համեմել աղով։