Պաստա բեկոնով և դդմիկով

Բաղադրիչները՝ 4 անձի համար ∙ պաստա → 320 գ.  ∙ դդմիկ → 2 հատ  ∙ բեկոն → 100 գ.  ∙ գլուխ սոխ → կես հատ  ∙ ձիթապտղի յուղ → 2 ճ. գդալ  ∙ հալած պանիր → 1-2 ճ. գդալ

Ինչպես պատրաստել

1

2

Դդմիկները լվանալ, ծայրերը կտրել և լուսնաձև կտրատել (1)։ Բեկոնը կտրել երկար շերտերով կամ մանր քառակուսիներով (2)։ Սոխը մանր կտրատել։

3

4

Թավայի մեջ տաքացնել ձիթապտղի յուղը, ավելացնել մանր կտրատած սոխն ու բեկոնը (3) և մի քանի րոպե տապակել, մինչև բեկոնն ամբողջությամբ գույնը փոխի (4)։

5

6

Այնուհետև թավայի պարունակությանն ավելացնել նաև դդմիկները (5), փակել կափարիչը և շարունակել եփել թույլ կրակի վրա մոտ 10-15 րոպե, ուշադրություն դարձնելով, որ դդմիկները պահպանեն իրենց տեսքը։ Այդ ընթացքում խորը կաթսայի մեջ ջուր եռացնել, աղ ավելացնել և պաստան խաշել (6)։

7

8

Երբ դդմիկները պատրաստ լինեն, ավելացնել հալած պանիրը (7) և կես շերեփ պաստայի ջրից (8) և զգուշորեն խառնել։

9

10

Պաստան պատրաստ լինելուց հետո այն քամել, ավելացնել թավայի պարունակությանը (9) և լավ խառնել (10)։ Մատուցել անմիջապես, տաք վիճակում։